Be kind to animals! Be kind to humans too!

Nalipat lang ko, wa ko kamatikod nga nagsaulog diay ang tibuok kalibutan sa ilang ginganlan nga “World Homeless Animals Day!

Pagka-romantic nila, pagkalumo sa ilang mga kasingkasing, pagka-mahigugmaon nila sa mga mananap. Mao man gani hinungdan nga dunay “World Dog Day!” ug “World Cat Day.”

Ambut kun duna ba say kasaulogan sa World Homeless Humans Day. Kay dinhi lang sa queen city of the south, kadaghang mangatulog lang sa aseras, bata ug tigulang, nagpasabot nga daghan sad diay’ng homeless nga mga humans. Ambut ngano nga mas importante man alang kanila ang mga homeless animals kay sa homeless nga mga humans, 

Pipila sa mga grupo nga nagpaluyo niining kalihokan pag-take care ug pag-love sa mga mananap, mao ang Compassion and Responsibility for Animals, Animal Kingdom Foundation, Inc., Animal Welfare Coalition, ug Universal Declaration on Animal Welfare.

Ang maong mga pundok nanaway natong mga Pinoy nga kono, dili kaayo kita mahigugmaon sa mga mananap. Pananglitan, matud nila, either ato konong ihawon ug kan-on ang iro, or pasagdan nga maglaroylaroy sa kadalanan. Unya, ang saag nga iring, batuon, bunalan, usahay pusilon gyud. Pagka-cruel gyud kono nato ngadto sa mga animals.

Atong makita sa mga salida sa cine nga ang tibuok fire department i-mobilized pag-save sa iring nga nasangit sa kahoy o itoy nga nahulog sa imbornal. Ingon niini ang ilang gugma sa mga iring ug iro.

Apan, ang akong anak lalake, inosente kaayong nangutana nga kun daku kaayo ang ilang gugma sa mga iring ug iro, nganong yano-yanohon man lang nila pagpatay ang mga bata pinaagi sa ABORTION? Kun kind kaayo sila ug love kaayo nila ang mga iring ug iro, ngano nga wa may bili alang kanila ang kinabuhi sa mga inosenting humans?

Mao nga Brod, samtang atong gidayeg ang ilang pagka-kind ug pagka-lover sa mga mananap, let’s be kind also to humans. Supakon ta ang abortion.