Sakay sa mini bus

Duha ka mga seminarista ang niuli sa ilang probinsiya aron mobakasyon. Usa kanila ang nipiyong sa iyang mata ug niaksiyon og katulog. Ang iyang kauban niingon: “Brad, mao pa gani ato pagsakay tulog dayon ka?” Ang nagpiyong niingon: “Wala man ko matulog bay ako lang gipiyong ako mata kay maikog ko sa dalaga nga nagbarog kay walay kalingkuran. Lisud man sab siya’y akong palingkoron sa akong lingkoranan!”

Pamalandong

Nabatasan kaniadto sa mga lalaki ang mohatag gayud sa ilang lingkoranan kang bisan kinsang dalaga o babaye nga ilang kasakay. Apan daw sa nahanaw naman kini karong mga panahona. Apan mas haom unta nga ang mga mini buses ang dili unta mag-overloading sa pasahero. Ang nakadaut lang kay dili man gud kaayo estrikto ang pagsilot sa mga malapasong drayber diha sa kadalanan. Ang nakadaut pa gyud kay daghang mga drayber ang dili maantigong mohunahuna sa uban ug nagpunay naman hinuon og pamintaha pinaagi sa pag-pick up sa mga pasahero sa dili nila rota.

* * *

E-mail:   [email protected]