Nagbaha ang shabu

"Sir, usa lang ko ka yanong lungsoranon sa brgy. Babag 2, Lapulapu City. Nagbaha ang shabu diri sa amo. Mahibulong lang ta kay ang mga opisyal di man kasulbad. Pun-an pa sa kadalanan namo diri nga pulos gubaon." -- 0909-6794312 (Sent: 02:06:22pm--June 6, 2008)

* * *

Maayo unta kun ma-counter check kini sa kapolisan sa Lapulapu City. Mas maayo sab nga aksiyonan kini sa mga tanod sa Babag 2.

* * *

"Good day, Brod. Naa may tawo diri nga namaligya og shabu. Dugay na ni siyang namaligya og shabu pero wala pa gyod masakpi. Dia ni siya nagpuyo sa Jabonero St., Labangon, Cebu City. Mahadlok mi moreport ngadto sa polis kay naa man goy nagpaluyo nila nga naay armas nga mobuto. Kawatan sab ni si Efren." -- 0916-8268251 (Sent: 02:21:24pm--June 6, 2008)

* * *

Kun atong tuohan ang alegasyon sa atong texter, klarong identified na kining usa ka Efren isip usa ka drug pusher. Nga sa ato pa, dili na lisod ang pag-ila kaniya.

Dako ning hagit sa kapolisan nga gustong masumpo ang pagpayuhot sa illegal drugs!

* * *

"Good PM, Sir. Diri sa Gil Tudtud, Mabolo naay store nga nagbaligya og NFA rice nga tag P40 ang matag kilo. Manghinaot kong maaksiyonan kini sa kadagkoan sa NFA. Ang ngalan sa store kay HS." -- 0919-7813468 (Sent: 04:59:00pm--June 6, 2008)

* * *

Ang gitugot nga presyo sa NFA rice mao ang P18.25. Kanang P40 nga presyo sa NFA makagaba na kana.

Maayo unta kun masubay kini sa taga NFA aron mapitol ang retailer og NFA diha sa Gil Tudtud, Mabolo nga nagpatuyang og paburot sa presyo sa bugas.

Sa ubang mga dapit, dunay nagbaligya’g NFA rice sa presyo nga P24. Abi kog kadto nay worse sa tanan. Mas grabe gyod ang sa Mabolo kay miabot man og P40 ang presyo.

Dili gyod angay pasagdan nga magpadayon ang pagpahimulos sa retailer og NFA rice sa Mabolo nga tag P40 ang baligya niya matag kilo!

(Sumbong ug reklamo? Text sa 0910-8105522)