Reklamo sa tindera

Gikan sa cell. no. 0909-9237814: "Good morning, Sir. Usa ko ka tindera diri sa dakbayan sa Lapulapu. Daghan kaayong rugby boys diri nga mokalit lang og sulod sa tindahan sa tindahan kay mangayo. Nerbiyoson na lang ta kay isog-isogan pa ta. Unya ang uban kusog kaayong mangawat." -- (Sent:09:08:58--Mayo 30, 2008)

* * *

Labing maayo nga mopadangat mo'g reklamo ngadto sa barangay o ba kaha sa kapolisan mismo sa Lapulapu. Dili maayong pasagdan lang ninyo kanang maong mga rugby boys nga magsige'g panghasi ninyo.

* * *

"Good day. Duna unta koy reklamo bahin sa poste sa elektrisidad sa Lawis, Pasil pole no. 0412751. Mora na man ni og Christmas tree nga nabulit sa daghang jumper ang ibabaw nga bahin sa poste. Duna na toy VECO group gipangulohan ni Richard niari diri pero igo ra man nilili ug walay aksiyon nga gihimo. Sa brgy. officials na daw angay ireklamo ning problemaha. Kitang tanang konsumidor nagabayad ining usik nga gihulog sa systems loss charge tungod sa illegal nga koneksiyon ug kawat sa kuryente." -- 0927-6766308 (Sent: 09:13:30am--Mayo 30, 2008)

* * *

Itaho kana ninyo ngadto sa barangay aron inyong masuta kun unsay aksiyon nga buhaton sa mga opisyal mahitungod niana. Pero sa akong tan-aw, mas maayo gyod unta kun manginlabot ang VECO niini.

* * *

"Good am, Sir. Ang akong reklamo bahin sa duha ka opisyal sa brgy. Jaclupan, Talisay City. Nagsige sila'g kuha og bas ug graba sa sapa sa Jaclupan. Perteng kuyawa na sa moagi padulong sa tabok-sapa kay lawom na kaayo ang kinawotan. Ang ilang permit gikan sa Magdugo. Puyde ba diay kana nga sa Jaclupan man sila nagkuha og bas ug graba? Nagsalig na sila kay mga kagawad man." -- 0906-6538798 (Sent: 07:59:29am--May 30, 2008)

* * *

Abuso ang ilang gihimo kun tinuod man. Abuso kini sa katungdanan!

Isumbong kana ninyo sa Committee on Environmental Management sa konseho sa dakbayan sa Talisay aron maimbestigahan ang binuhatan nianang duha ka konsehal nga gipasanginlan mong nanguhag bas ug graba gikan sa sapa sa Jaclupan.

(Sumbong ug reklamo? Text sa 0910-8105522)