EDITORYAL - Nganong lalison pa man?

Naglalis si Kongresista Raul V. del Mar ug si Bise Mayor Michael Rama kalabot sa kontrobersiyal nga Banilad flyover. Nasuko sab si Mayor Tomas Osmeña ngadto sa Konseho bahin usab sa maong flyover.

Si Rama ug ang Konseho gustong i-uswag ang katukoran sa flyover, samtang si Tomas gustong sugdan na ang trabaho “as scheduled.”

Si Del Mar, natural gusto sang sugdan na ang proyekto kay siya may amahan niini.

Daghan ang nagkanayon: “Nganong lalison pa man ning maong proyekto nga alang man ni sa katawhan.  Nganong di man lang magsinabtanay kay bisag unsaon tukoron man gyud kini.”

Ang maayo tingali nga suportahan na lang kining proyektoha aron matibway kini ug mahuman sa gitakdang adlaw nga humanon sa kontraktor.