EDITORYAL  – Panghinaot sa tuig 2008

Human na ang tuig 2007. Nakalingkawas kita sa daghang problema nga gidala sa maong tuig. Mga unos sa kinabuhi, matud pa.

Ania na kita karon sa bag-ong tuig, 2008. Dunay mga manalagna nga mipasalig kanato nga ilang gipanglantawan ang mauswagong Pilipinas karong tuiga.

Magpadayon kuno ang pagsaka sa ekonomiya ug ang paglig-on sa atong kuwarta, ang peso.

Nindot. Apan ang gipaabot sa katawhan, ilabi na ang mga kabus tang kaigsuonan, mao nga kining giingon nilang pagsaka sa ekonomiya mopabuhagay unta og mga kaayohan ngadto kanila -- sama sa pagkunhod sa presyo sa palaliton nga wala gayud nila matagamtam sa miaging tuig.

Gawas sa panghinaut nga mokunhod ang presyo sa palaliton, kami manghinaut usab nga ang tuig 2008 moda’g kalinaw ug kahusay sa atong nasud.