Ginaingon nga dunay duha ka klase ang pagsaulog ang Pasko. Ang dinato ug ang pinobre. Ang dato daghan kaayo og hikay samtang ang pobre puto lang ug sikwate. Apan ang wala lang gyud makit-i nga usahay bisan kun unsa kadaghan sa mga hikay wala diay ang kalipay apan ang puto ug sikwate diha sa kabus, yano ug kontentong kinabuhi, anaa man pud ang pagka-alegre. Ang tinuoray nga diwa sa Pasko.
PAMALANDONG
Dili masukod sa pinansiyal nga kahayahay ug sa kalami sa imong gikaon. Kay ang makapahimo sa Pasko nga nindot saulogon mao man ang panagdait ug panagsandurot bisan pa man kun yano ug pinobre lang ang hikay nato.