EDITORYAL - Malipayong Pasko kaninyo

Sa makausa pa, ato nasang saulogon ang Pasko kon adlaw sa pagkatawo sa atong Ginoo.

Ang Pasko maoy panahon sa panagsinabtanay ug paghinigugmaay aron makab-ot ang kalinaw ug kahusay dili lang sa atong isigka-panimalay kun dili usab sa tibuok kalibutan.

Kami diri sa Banat News nanghinaut nga ning panahon sa Kapaskuhan dili nato hikalimtan ang bililhon nga diwa sa Pasko nga anha nagagikan sa atong kasingkasing.

Ning bisperas sa kasaulogan sa pagkatawo sa atong Manunubos, kami mopadangat diha kaninyo sa usa ka kinasingkasing nga timbaya: Malipayong Pasko!