EDITORYAL - OK nga proposal, apan...

Gitakdang sugdan ang konstruksyon sa kontrobersyal nga Banilad flyover ning umaabot nga Pebrero 1, 2008.

Ang City Traffic Operations Management (Citom) miuyon sa proposal ni Konsehal Procopio Fernandez nga una sugdi ang maong flyover ayuhon usa ang upat ka dan nga himuong alternative routes.

Ang maong alternative routes, kon mga agianan sa mga sakyanan samtang gitrabaho pa ang Banilad flyover, gikinahanglan aron dili magyawyaw ang trapiko sa Banilad-Talamban area samtang gisirad-an pa ang mayor nga dan diin gitukod ang flyover.

OK kaayo kining proposal ni Konsehal Fernandez nga gisagop sa Citom. Mao ra ning paagi nga dili magkayamukat ang dagan sa trapiko sa gihisgutang lugar.

Apan mao sab kini ang makalangay sa pagsugod sa Banilad flyover kun ang pagpaayo sa gihisgutang upat ka alternative routes dili dayon mapahigayon tungod sa mga kakulian nga matud pa sa pipila ka mga tigpaniid lisud “i-address” diha-diha.