EDITORYAL – Pahalipay ngadtos kapolisan

Human sa dugay’ng panahon nga pinangita kaniya sa mga polis, nadakpan na gyud si Aristotle “Ares” Aves, ang giilang “hitman” sa usa ka fraternity ug numero uno nga “wanted man” sa Sugbu.

Si Aves dugay nang wanted tungod sa iyang kalambigitan sa nagkadaiyang krimen ilabi na ang pagpamatay.

Usa ka sakop sa usa ka kontrobersyal nga fraternity, si Aves maoy suspek sa giingong drive-by killings diin tulo ang nangamatay ug ubay-ubay ang nangaangol.

Gawas niini, nalambigit usab si Aves sa ubang kasong murder, homicide, frustrated homicide, etc.

Angay’ng pahalipayan ang mga polis nga nidakop niining gikahadlukang sakop sa atong katilingban.

Manghinaut kita nga dili mokompyansa ang kapolisan kay basin og makabuhi kining maidlas nga suspek ug magkapuliki nasad sila sa pagpangita niini.