Daghana diay’g kwarta ang Kampi no?

First, mi-deny sila nga wa kuno sila manghatag og advanced Christmas gift sa mga Representante ug mga Gobernador nga mitambong sa tigum didto sa Malacañang.

Ug tungod kay sa iyang pagka-pari, gikulitog man siyag maayo sa iyang konsiyensiya, lahi sa uban nga morag wala na mo-function ang ilang mga konsiyensiya, na-bara na, si Gobernador Panlilio, mitug-an nga usa siya sa nakadawat sa regalo.

Gumikan niini, diha say pipila nga na-konsiyensiya, mibutyag sad nga nakadawat sila. Ang uban, nangatarungan nga sayo silang mibiya sa Malacañang, ug wa sila mahibawo sa giingong pagpanghatag sa mga gasa.

Og ako pay didto, maghuwat-huwat ko uy! Tinuod kaha nga ni-leave silag sayo, ug wa na maghuwat sa distribution of gifts?

Anyway, kadtong uban nga nakadawat gyud, nganong hilom pa man silas silent night? Giunsa na man nila ang kwarta? Ma-private man o ma-public, maka-liquidate sila sa salapi nga ilang gidawat?

Unya, dihay miingon nga kuno ang kwarta gikan sa buhatan ni Speaker de Venecia, dayon gikan na pod kuno sa League of Governors, ug ang latest, gikan diay sa Kampi.

Ug tungod kay gikan sa usa ka political party, usa ka private fund, busa, di kinahanglan resibohan, di kinahanglan mohatag og kwentada kun unsaon ug giunsa ang kwarta. Hayahayaha uy! Ngano god tawong wa man ko ma-Congressman o ma-Gobernador uy?

Kun tinuod man kining giingon dinhi nga gikan diay sa Kampi ang kwarta , pagkadaghan diay’g kwarta sa Kampi no? Ug nganong sila ra may gipanghatagan? Nganong wa man mi maapil si Pedro ug ako? Abi kay human na man ang eleksiyon, di  na lang nila iapil og panghatag ang mga botante?

Ang title sa mga column nila ni Neal H. Cruz ug Armando Doronila sa Enquirer, nagkanayon: “Of liars, thieves and ingrates,” ug “Malacañang’s clumsy liars.”

Nga kuno, matud pa ni Cruz: “The more lies it tells … the deeper it is sucked into the muck.” Ug sa iyang bahin si Doronila nagkanayon: “There’s a limit to the lies that the administration can fabricate …and there’s a limit to the public’s tolerance to take lies.” Ang resulta sa miaging May 14 election nagpakita nga misangko na ang public’s tolerance to take lies. Hunong na tag pamakak Dro uy! Honorable liars?