Sa pagbiya sa Isla

Managsagol ang akong gibati sa higayon nga ako mihimo sa katapusang Misa uban sa mga katawhan sa Isla Carnaza. Kahingawa, kaguol ang nipatigbabaw. Adunay usa nga sa paghilak kanako nagkanayon: “Ayaw baya paghikalimot sa Isla Padre!” Ug ako igo lang sa pagyango dungan sa pagpatidlum sa hamubo apan undanon kaayong mga pulong ug pahimangno sa mga yanong tawo.

Pamalandong

Personal nakong itunol ang akong kinasingkasing pasalamat sa mga katawhan sa Isla Carnaza. Gimingaw ako nila ug angayan lamang nga tipigan ko sa akong kasingkasing ang  mga kasinatian uban kanila sanglit pinaagi kanila ako nakakat-on sa kinabuhi ug unta, ako pud unta nakahatag og maayong panig-ingnan ngadto kanila. Wala ako magpaabot nga ila akong pasayloon sa mga higayon nga ako nakasala kondili ako nagpaabot nga sabton nila.

* * *

E-mail:  [email protected]