W edding tips at Marco Polo Plaza

Kitang mga Pinoy mahilig gyud sa usab-usab kon ilis-ilis sa pangalan sa mga butang. Una, kaniadto ang mga bombero walay ranggo kay tawgon man lang og fireman apan karon de-ranggo sila sama  na sila sa pulis bisan og kalayo ra ang ilang mortal nga kaaway.

Nganong nahitabo man ni nga de-ranggo na man karon ang mga kabomberohan nato karon? Ikaduha, ang buhatan sa kinaadman ginatawag og Department of Education, Culture & Sports kon DECS apan karon lain na kay gibag-o na ang pangalan nga mao ang Department of Education kon DepEd.

Ikatulo, ang atong mga magbalantay sa kahusay ug kalinaw ginatawag og 'policeman' apan karon 'pulis' na.

Ikaupat, kaniadto ang ahensiya sa kagamhanan nga gitahasan sa pagdakop sa mga banggiitang kriminal mao ang Criminal Investigation Service kon CIS apan karon gitawag na og Criminal Investigation & Information Division kon CIID.

Ikalima, ang mananakop nga magsibilyan lang kaniadto ginatawag og 'sekreta' apan karon giilisan na ngadto sa 'Intelligence'.

Ikaunom, ang dalan nga Martires kaniadto giilisan na ngadto sa M.J. Cuenco Avenue ug Jones Avenue giilisan usab ngadto sa Osmeña boulevard.

Ikapito, ang sayaw o bayle kaniadto giilisan na karon og 'disco' nga maoy sarang gikabuangan sa mga batan-on ug mga edad-edaran ilabi na panahon sa piyesta kon pangilin sa ilang dapit.

Nganong mahilig man sa usab-usab kon ilis-ilis  sa pangalan sa mga butang ang Pinoy?