EDITORYAL - Koprason ang kuwarta

Usa sa mangil-ad nga kinaiya sa atong mga kandidato mao ang pagpamalit og botos kun vote-buying. Dili hinuon tanan apan unsaon man nga mao may pagtuo sa kadaghanan nga basta kandidato mamalit gyud og botos.

Tungod kay daghan sa mga pumipili nagkinahanglan usab og kuwarta kining pagpamalit og botos nagpadayon ug nagpadayon.

Si Comelec Chairman Benjamin Abalos sayod niini ug sayod usab siya nga dili masayon ang pagpaundang niini.

Busa miawhag si Mr . Abalos ngadtos nga botante sa pagdawat sa kuwarta nga ihatag kanila sa kandidato apan tumanon nila ang ilang konsensiya.

Kun buhaton kini sa mga botante hayan moabot ang panahon nga momenos ang vote-buying kay makaamgo na ang mga kandidato nga gikopras ra ang ilang kuwarta.