EDITORYAL — Hagit ngadtos mga imbestigador

Suma sa balita, mi-order ang Presidente ngadto sa Presidential Anti-Graft Commission (PAGC) sa paghimog subsob nga imbestigasyon sa giingong anomalya kalabot sa alegasyon nga dunay overpricing sa pagpalit sa mga decorative lamppost.

Naay mga tigpaniid nga milingo-lingo sa pagtahas ngadto sa PAGC nga maoy pasusihon sa giingong overpricing. Daghan na kuno ang giimbestigar sa PAGC apan wala ni bisan usa ka ulo ang miligid.

Kining pagduda sa pipila ka mga tigpaniid dili angay’ng ikasagmuyo sa PAGC kundili ila hinuong dawaton isip usa ka challenge kun hagit sa pagpakita nga sayop ang maong pagduda.

Ipamatuod nila nga seryoso ug tinud-anay ang ilang pagpahigayon sa imbestigasyon.