Brilliant Vilma!

IMPRESSED ako kay Lipa Mayor Vilma Santos nang iproklama ang kanyang kandidatura bilang governor ng Batangas. The event was covered live on television. Ang galing magsalita. Hindi lang basta gift of gab kundi nadarama ang sinseridad sa kanyang pagsasalita nang sabihin niyang ‘‘hindi ako umatras kundi nagpaubaya lang.’’

Balita ko maraming Batangueno ang natuwa sa proklamasyon ni Vilma. Kung totoong nagpasya na ang kanyang kontrobersyal na bayaw na si Ricky Recto, utol ng mister ni Vi na si Sen. Ralph Recto. na tumakbo na lang bilang Kongresista imbes na gobernador, ang maglalaban na lang ay si Vi at incumbent Governor Armand Sanchez. Mayroon nang mapagpipilian ang mamamayan ng Batangas. Ka-tandem ni Vi ang anak ni Executive Secretary Ed Ermita na si Erwin na tatak bong bise. Perfect team. Si Vi ay mula sa East samantalang si Erwin ay mula sa West part of Batangas.

Good alternative si Vi. Bilang Mayor ng Lipa, hindi matatawaran ang kanyang accomplishment bukod pa sa pagiging malinis at walang bahid ng corruption ang kanyang record. Nagbago ang pananaw ko sa mga artistang pulitiko. Akala ko noon, pang-acting lang ang mga artista. Mayroon palang kagaya ni Vi na tinaguriang ‘‘Star for all seasons’’.

Kung mananalo, at naniniwala akong napakalaki ng tsansa, she notched something first in history. Siya ang kauna-unahang babaeng gobernadora ng lalawigan. Kaya naman popular siya sa Batangas ay balita ang magaganda niyang nagawa bilang leader at makakaasa sa kanya ang mga Batangueño.

Masama ang loob ni Ricky Recto sa hipag. Nanungkulan kasi nang mahabang panahon si Ricky bilang vice governor at iniisip niya na karapatdapat siyang tumakbo sa pagka-gobernador. Pero hindi iyan ang problema. Ang problema, kulelat siya sa survey. In other words, Ricky is far from being winnable.

Vilma is always ahead sa lahat ng surveys kaya kabado si Sanchez. Salamat naman at nagparaya na si Ricky. Hindi mababasag ang boto para kay Vilma at ayon sa mga Batangueño, mawawakasan na ang umanoy katiwa- lian sa Batangas and at the same time, naresolba ang namimintong family feud sa angkan ng mga Recto.