Nagbagang Kasayoran

Isog ang sunog

Siguro ko nga inyong nabalitaan sa radyo o ba kaha sa telebisyon ang pagkasunog sa balay sa among kauban sa buhat nga si SFO3 Allan Arciaga niadtong kaadlawon sa Marso 2, 2007.

Ubay-ubay pud intawon ang nawagtangan sa ilang panimalay ug kabtangan. Hasta gani ang balay sa hepe sa kabomberohan sa Cebu City Fire Department si Supt. Esmael Codilla direyot pud makaon sa sunog.

Pagka wala gayu'y kahadlok aning kayo no? Hasta balay sa bombero unayon man! Mao nang maka ingon ta nga walay gipili ning sunog. Ma Congressman ka, Ombudsman, artista o bisan pag unsa imong estado sa katilingban potential kang mahimong biktima sa sunog. Dili na nato bag-o kining nadungog nga panultihon na mas maayo pa'y makawatan kaysa masunogan.

Tinuod para nako wala na'y lain pang dakong trahedya gawas sa sunog. Ang tanan nimong mga kabtangan nga imo gyud tawng gihagoan mahimo nalang tawng abo sa pipila lang ka minutos. Dili gyud siguro lalim kung mahimo tang biktima aning dakong kadaot nga mamugna gumikan sa sunog.

Maayo nalang gani kay wala'y nakalas nga mahinungdanong kinabuhi adtong sunoga sa Barangay Tinago. Ang kinabuhi sa tawo maoy labing importante ug mahinungdanon sa tanan kaysa mga bahandi nga naugdaw niadtong tungora. Angayan lang natong hinumdoman nga samtang buhi pa kita maka panikaysikay raman gihapon ta. Busa sa tanang mga nasunogan padayon sa pagpakabuhi ug ayaw hunahunaa nga wala nay paglaom. Bangon ug paningkamot!

* * *

Usahay maka ingon ta nga karon hinuon nga nag obserbar ta sa Fire Prevention Month nag sige naman hinuon og sunod-sunod ang insidente ug alarma sa sunog. Sa ako nang nahisgotan sa akong milabay nga lindog, kini gumikan na sa sobra nang kainit sa panahon. Kung inyong namatikdan daw makapaso ang naglagiting nga kainit. Mao nga dali ra kaayo masunog ug maka katay ang kayo gumikan sa ka uga sa mga edipisyo o sa mga panimalay. Busa angayan lang siguro nga mag amping kita ug mag mabinantayon aron atong malikayan ang dakong kadaot nga ikadalit aning sunog.

Unsay atong buhaton in kaso dunay sunog? Ato gyud untang isilsil sa atong alimpatakan nga kinahanglan unahon nato pag salba ang atong kinabuhi sunod na kanang mga kabtangan. Diay mahinungdanon kaayong instructions para inyo kining masunod. Safe!

1. Sound the alarm to inform everybody of a fire in progress. The most common cause of death in fire situations is when people were not informed at the early stage of fire.

2. Advice the fire brigade or call the fire department. Ang atong hotline 160. Usa sa mga hinungdan sa pagka ulahi og abot sa atong kabomberohan mao ang kalangay sa pagtawag sa fire department. Tawag dayon bisan pa og aso ra ang inyong nakita kay andam gayud moresponde inyong mga kabomberohan. Angayan lang nga ilista ninyo ang numero sa fire department duol sa inyong telepono.

3. Fight the fire. Begin to put out the fire at the early stage of its inception until the firefighter arrives.

4. Evacuate when there is fire. Concentrate on immediate escape. No possessions are worth your life. Busa unaha pag luwas ang imong kaugalingon.

Hinaut pa unta nga duna nasad kamoy napopo nga mga simple apan mahinungdanon kaayong mga impormasyon. Unta kining mga pahimangno makatabang ninyo ug dako simbako ug makasugat kamo ug trahedya sa sunog. Apan aron kita makalikay sa sunog, kinahanglan nga sa tanang panahon kita mag mabinantayon ug magpakabana. Hinaut pa unta. ---BFP Provincial Office Tel. 256-2607