EDITORYAL — Wa na kunoy vigilantes

Matud pa sa kadagkuan sa kapolisan dinhi sa siyudad nahunong na ang giingong vigilante killings. Bisan pag naa gihapoy patay, dili na kuno kini hinimoan sa vigilantes.

Okay, wa nay vigilantes. Hatagan nato og benefit of the doubt ang police authorities.

Wa na tuod vigilante killings sa pamantalaan, telebisyon ug radyo.

Apan daghan ang nangutana: Hain naman tong mga vigilante nga mipatay og kapin sa usa ka gatos ka mga tawo? Duna na bay nadakpan ato nila? Ug duna pa bay tinguha ang kapolisan sa pagpangita niini nila, dakpon ug taralon sa hukmanan?

Morag mahug nalang sa kalimot kadtong mga kaso diin ang giingong vigilantes mipusil patay sa mga tawo nga ilang natripingan.