Tauhan ng LTO Gapan garapal mangotong!

NAKATANGGAP ng reklamo ang BITAG mula sa e-mail sa mga biyahero ng gulay mula sa norte na dumadaan sa Cagayan Valley road, Gapan City Nueva Ecija.

Lamang ng e-mail ang talamak na pangongotong ng ginagawa ng ilang tauhan ng Land Transportation Office Gapan City branch sa kanila sa tuwing sila’y mapapadaan sa lugar.

Kahit daw wala namang violation at walang problema sa papeles ng dalang mga sasakyan na kargado ng mga gulay buhat pa sa Isabela ay hinuhuli sila at ginagawan ng violation. Pero sa huli ay sila ang mago-offer na puwede namang pag-usapan na maliit na halaga.

Kaysa maabala pa raw sila at magkaproblema ay napipilitan silang magbigay sa halagang P1,000, may kasama pang mga gulay na kanilang dadalhin sa Maynila. Ipinarating nila sa BITAG ang rekla- mo dahil abusado na raw ang ilang tauhan ng LTO-Gapan.

Hoy! Kayo d’yan sa LTO Gapan ang kakapal ng mga mukha n’yong mangotong dahil ito ang unang rekla-mong natanggap ng BITAG laban sa inyo. Mukhang nawiwili kayo sa inyong estilong kawatan.

Mag-ingat kayo baka sa mga susunod na araw ay mga BITAG undercover na ang kinokotongan n’yo at mahulog kayo sa aming patibong. Mas magandang ituwid n’yo na ang baluktot n’yong gawain.

At diyan sa pamunuan ng LTO baka naman gusto n’yong bigyan ng disiplina ang ilang tauhan n’yong kotongerong ang kakapal ng mukha. LTO Gapan kabilang na kayo sa surveillance list ng BITAG. Sige ituloy n’yo lang!