Jr. One:Early savings habit

Labing seguro, Dro, wa ka kahibawo unsa ning Jr. One. Kasagaran nato wa gyud mahibawog unsa ni tungod kay may kalabutan man kini og "savings". Ug kitang mga Pinoy wa maanad pag-"save." Ang atong naandan, taliwa sa aotng ka-pobre, mao ang paggasto, pag-spend.

Gastador kitang mga Pinoy. Ug mao kini ang nakapasamot natog ka-pobre. Wa kita anara sa atong mga ginikanan pagdaginot, paghipos bisag pila lang ka sentabo, pag-save for tomorrow.

Ang mahinungdanon alang kanato mao ang karon. Moingon dayon ta nga let tomorrow take care of itself.

Kahinumdoman ko, one time, gidala ko sa akong amigo ngadto sa bangko kay i-release na kuno ang iyang loan. Lipay kaayo siya. Lipay sad ko kay amigo man mi.Daku siyag problema, busa dakug ikatabang ang loan.

Paggawas namo sa bangko, diritso mig carenderia (mantiner lag carenderia kay pobre man), and of course, nangaon mi, nag-celebrate pag-release sa loan. Inom pa mig beer. Wa ko mangutana pilay iyang nagasto, apan labing seguro, naibanan gyud ang kuwarta nga alang unta sa mga obligasyon nga iyang giatubang.

Mao kini kita. Gastador. Tan-awa nang mga yanong empleyado, unsa sila ka gastador, panahon sa tingsweldo. Kaon, inom, uban sa barkada, pakapinan pag karaoke, ug ambut pila na laymadala ngadto sa ilang pamilya.

Mao kini kita, Dro, hilabihan ka gastador. Unya, kulatahon pa ang mga asawa kon magyaw-yaw kay wala kitay na-intriga nga subra sa sweldo.

Kini tungod kay ang pag-save, ang pagdaginot wala sa atong kultura, wala sa atong kinaiya, wala sa atong habit.

Maoy hinungdan nga nalipay kita sa pagpagsiugda sa Security Bank sa ilang gitawag nga Jr. One, sa savings account program alang sa mga batan-on, for them to appreciate the value of savings and its long term benefits.

Gawas sa interest aduna kini'y package of benefits, sama sa personal accident insurance nga magamit as an educational fund/allowance that also includes a dental and health consultation package.

Dugang benefits naglakip sa mga gifts on events like birthdays and account anniversaries; exclusive events for account holders; balance upgrade promos; ug kiddie points or reward points.

Hinaut nga sundon usab kini sa ubang mga bangko, aron paghatag og dugang kaikag sa atong mga batan-on pag-save.