Nakit-an ni Alejandro ang Bantugan nga usa sa iyang mga sundalo ang nikuha og usa ka bagahe gikan sa nabug-atang kamelyo aron iyang pas-anon sa iyang kaugalingong mga abaga. Nalipay si Alejandro sa maong kaayo nga gipakita sa iyang sakop og gihatag sa maong sundalo ang bagahe nga gipas-an kang kansang mga sulod mga bulawan...."
Pamalandong
Kitang mga tawo ang mahinumdoman sa mga buhat nga atong gihimo samtang kita mga buhi pa. Kalakip niini ang atong mga maayo og mga dautang mga binuhatan. Ang paghimo og dautan ang pagadumtan og dili kawilihan samtang ang nagbuhat og maayo ang magpabiling buhi sulod sa mga kasingkasing og hunahuna sa katawhan diin siya nahilambigit. Ang ganti nga atong madawat tungod sa pagkamaayo dili lang ang bisan unsang butang o bahandi nga kanato ihatag. Hinunoa, ang maayong handumanan diin kita handumon sa mga nahabilin.