Ang tinuod nga kalipay

Ginaingon nga dunay usa ka tawo ang nawad-an og gana sa iyang kinabuhi. Sanglit wala man niya hikaplagi ang iyang kalipay, mao nga nihukom siyang mobiya sa dapit diin siya nitubo, nakapondar og panginabuhian, ug nihukom siyang moadto sa siyudad kang kansang kalipay iyang masinati. Sa iyang pagpanaw, naabtan siya og gabii sa usa ka lasang. Sa wala pa siya mahikatulog, iyang gipunting ang iyang mga sapatos ngadto sa direksiyon nga nahimutang sa maong siyudad. Apan sa dihang nahinanok na siya, adunay nagbinuang ug nangahas nga ipunting sa dapit diin siya gikan ang iyang mga sapatos. Pagkabuntag, nibangon siya, sinul-ob ang iyang mga sapatos ug niadto siya sa direksiyon nga iyang gituohan nga mao ang siyudad sa kalipay. Pamilyar ang maong dapit alang kaniya. Sinati usab alang kaniya ang mga tawo niadtong dapita. Apan adunay kalainan. Gibati na niya ang tumang kalipay sa maong dapit diin siya gikan. Batoni ang kalipay sa dapit diin ikaw nahimutang. Ayaw kini pangitaa sa dapit diin walay kabahin sa imong pagka-ikaw.