Agosto 25, 2006 dumulog sa aming tanggapan si Aida Grajo upang isumbong ang panloloko at panghihingi ng isang nagpapanggap na attorney na si Jorge Escabillas.
Batay sa biktima nanghingi ng P20,000 ang dorobong si Escabillas para sa birth certificate ng kanyang anak.
Dito agad kumilos ang grupo ng BITAG upang kumpirmahin kung lihitimong abogado ang putok sa buhong si Escabillas. Napag-alaman ng BITAG sa opisina ng Bar Confidant ng Supreme Court na walang lisensiya ang putok sa buho.
Upang matuldukan ang kadupangan ng putok sa buhong abogadong ito, nakipag-ugnayan ang grupo ng BITAG sa ‘‘Special Operations Group’’ (SOG) ng lungsod ng Maynila para sa gagawing entrapment operation.
Hindi na bago sa BITAG ang gagawin entrapment operationi para kay Escabillas kaya agad na nagsagawa ng patibong ang BITAG at SOG para sa inirereklamong pekeng abogado.
Sa patibong na ginawa ng BITAG at ng SOG hulog sa BITAG ang bogus na abogadong si Escabillas at natuldukan ang kanyang kadupangan.
Maraming mga nagpanggap na mga attorney upang makapangloko sa mga pobreng kanilang mabibiktima.
Subalit ang mga estilo ng mga bogus na mga putok sa buhong mga attorney ay walang lusot sa BITAG dahil lantad na ang inyong kalokohan.
Para sa mga pobreng mamamayan na hindi alam ang estilo ng mga mapagsamantalang tao sa lansangan maging paladuda dahil hindi lahat ng inyong makakausap sa lansangan ay maganda ang intensyon.
Sa mga taong walang alam kung di manloko at samantalahin ang kahinaan ng iba nating mamamayan tuldukan nyo na ang inyong katarantaduhan dahil laging nakakasa ang ‘‘concealed camera’’ ng BITAG upang tugisin at tuldukan ang inyong mga kadupangan.