Cash advances

Sa gobiyerno, ordinaryo kaayo ning mga unliquidated cash advances, labi na sa mga opisyales. Kasagaran niini mga travels sulod ug gawas sa nasud.

Daghang mga government officials nga mo-retire na lang, naghupot gihapon silag mga unliquidated cash advances. Ug ang sad-an niini mao da usab ang mga hingtungdang opisyal o employee mismo.

Ug natural, ang head sa opisina, who unfortunately in most instances, maoy nag-una sa wa'a makahatag og husay sa iyang mga cash advances, mao untay mangusog pagpa-liquidate sa mga advances ug dili maghuwat sa COA nga mao nay motawag sa ilang attention.

Sa ako nang giingon, ordinaryo kaayo ni sa mga buhatan sa gobiyerno, ug ang sad-an niining tanan, mao ang head sa office, ug mismo ang wa'a maka-liquidate.

Nganong di man maka-liquidate? Sa among panahon, sa among opisina in particular, inig-abut gyud namo gikan sa biyahe, bisag within lang sa lalawigan sa Sugbo, inig-abut namo, liquidate dayon. Dili paugmaan.

Usahay gani, maglalis mi ug ang COA tungod kay pangayoan mig mga resibo sa tricycle, sa mga gagmay'ng carenderia, sa kargador sa pier, ug ubang mga ginagmay'ng gasto. Be that as it may, mo-liquidate gyud mi dayon.

Di gyud ni problema. Ambut ngano nga nahimo man ni nga problema sa ato karong mga opisina sa gobiyerno. Ang uban maluoy ta tungod kay inig-retire nila, adto na i-deduct ang tanan sa ilang mga retirement benefits.

Karon, kon kinsa man nga aduna pay nag-ung-ong nga mga cash advances, unya maglisud nag liquidate tungod kay wa'a nay mga supporting papers, maayo tingali nga sugdan na nila ang salary deduction aron di na kaayo daku ang ma-deduct inig-retire nila. Ikaw ray sad-an niining tanan, Dro. Merisi ka! Next time around, inig-abut nimo gikan sa travel, ilabina gikan gawas sa nasud, liquidate dayon. Komentaryo? Text 0916-6484650.