I’m sorry – Bichara

GAYA-GAYA si Philippine Ambassador to Lebanon Al Francis kutsara este mali Bichara pala sa dialog ni Prez Gloria Macapagal-Arroyo na I’m sorry regarding sa pae-effect nito na alaws pondo para sa paglilikas ng mga OFWs na naiipit sa Lebanon dahil sa war versus Israel.

Nag-sorry si Francis kay DFA Secretay Alberto Romulo dahil sa epekto ng kanyang ginawa sa praise release na mali! Sabi nga, excited kasi si Amba!

Nagpa-bright-bright kasi si Francis at to much excited kaya nasabi niya na ubos na ang $50,000 para sa oplan bagsik este mali sagip pala.

Si Francis naman hindi muna nag-isip bago nagpa-praise release kaya naman nalagay sa balag ng alanganin ang maraming top brass government offi-cials kasama siyempre si Prez Gloria Macapagal Arroyo sa pakpak este mali palpak palang pagsasalita nito infront ng television.

Nakakahiya ang nangyari pati gobyerno ay nasabit sa kapalpakan ni Francis buti na lamang at sanay ang government sa mga ganitong sitwasyon. Sabi nga, urong-sulong o laban o bawi!

Nagkaroon din kasi ng pointing of fingers kung no-si ang mamamahala sa repatration ng mga OFWs sa Lebanon. Ika nga, parang Pontius Pilate, hugas kamay baga!

Nakabawi ang government sa mga palpak na isyu ng ideklara ni Prez Gloria Macapagal-Arroyo na magbalikan na sa Pinas ang mga manggagawang noypi sa lalong madaling-panahon bago sila maipit sa giyera patani sa nasabing lugar.

Daan-daan ang dumarating na OFWs sa Pinas ngayon. Thirty-thousand lang naman ang Pinoys sa Lebanon na nagbakasakaling makapagtrabaho nang maganda todits.

Napikon si Secretary Romulo sa mga sinatsat ni Bichara. Nag-sorry si Bichara.

‘‘Sana sa susunod ’wag nang magsalita ang mga bright para hindi pumalpak ang mga praise release’’ sabi ng kuwagong abogadong pulpol.

‘‘Huwag kasing magpa-bright-bright,’’ naggagalaiting sabi ng kuwagong Kotong cop.

‘‘Buti na lang at magaling ang mga kontrabida este mali bida sa Pinas kundi kahiya-hiya tayo,’’ sabat ng kuwagong SPO-10 sa Crame.

‘‘Kaya ikaw kamote magsumikap ka para hindi ka nakatanga.’’