Gahom sa pagdayeg diha sa kaminyoon

Carlos Valles

Adunay managtiayon nga niadto sa usa ka Marriage Counsellor aron magpakitambag. Sa wala pa gani makapahiluna ang marriage counselor ang masigkahabig nagdungan dayon sa pagpadayganay sa ilang dili makaog iro nga pagsaway. Human sa ilang debate ang counselor mihatag kanila og papel ug misugyot nga isulat sa matag usa nila ang bisan unsang maayong butang ug kinaiya nga ilang nakita ug nasinati sa matag usa.

Taud-taod ang kahilom. Walay gunok-gunok ang bana ug asawa. Dungan silang nisulat sa papel sa bisan unsang positibong butang nga ilang nakita sa matag usa. Human sa pipila ka gutlo, ang bana nibasa sa sinulat sa iyang asawa ug ang asawa nibasa sa sinulat sa iyang bana. Ang asawa nikumot sa papel ug nihilak. Timaan nga gihatagan niya og bili ang gipadayag sa iyang bana mahitungod kaniya. Ang bana ug asawa nibiya nga nagkinuptanay sa ilang mga kamot.

Pamalandong

Ang pagdayeg moalim sa liboan ka mga samad sa tawhanong pakiglambigit.