Sapatos na mataas ang takong nakapagdudulot ng stress

ANG pagsusuot ng mga sapatos na matataas ang takong ay isang dahilan ng pagkasira ng posture ng kababaihan. Ayon sa mga medical expert sa University of Connecticut sa US, nagdudulot ito ng unnecessary stress sa likod ng leeg. Nagpapakapal din ito ng talampakan. Ipinapayo ng mga American experts na mas mabuting magsuot na lang ng mga sapatos na katamtaman lang ng taas ng takong.

Sa aking personal na obserbasyon ang pagsusuot ng high-heeled shoes ay nagpapatangkad, pero mangangawit naman ang mga paa at binti at pati ang balakang at likod ay sumasakit kapag matagal na nakatayo o naglalakad.

Ang manugang ng aking kumare ay mahilig mag-high heels. Palibhasa’y isang working girl, pustoryosa si Michelle. Mula four hanggang 6 inches ang taas ng takong ng kanyang sapatos. Sampung taon na siyang may-asawa pero wala pang anak. Nakumpirma na mababa ang kanyang matris kaya pinayuhan siyang iwasang magsuot ng sapatos na mataas ang takong. Sinunod niya ang ipinayo sa kanya at hindi nagtagal ay nagbuntis siya. Mula noon hindi na nagsuot ng sapatos na may mataas na takong si Michelle.