Happy Mother’s Day

ANG Mother’s Day ay ginugunita tuwing 2nd Sunday of May at sa araw na ito ay binibigyang parangal ang mga dakilang ina sa buong mundo. Ang Mother’s Day ay sinimulang ipagdiwang sa Amerika noong 1907 sa pamumuno ni Anna Jarvis na nagpahayag na sa lahat ng nilikha ng Diyos ay walang kapantay ang isang ina na lahat ay gagawin para sa anak.

Si Napoleon Bonapoerte na isang anti-Christ, ay nagpahayag na ang isang anak anuman ang kanyang kahinatnan ay naka-depende sa pagpapalaki ng ina.

Sadyang natatangi ang isang ina. Maging sa mga hayop ay napatunayan din ang pagmamahal, pag-aaruga, pagmamalasakit at pagtatanggol sa anak. Malaking kawalan sa anak kung mawalay sa ina. Labis niyang daramdamin kung mamatay ang ina subalit may pagkakataong umaabuso at nagiging lapastangan sa ina ang anak.

Sa mga meron pang mga ina habang kapiling n’yo sila ay ibuhos na ninyo ang lahat ng pagmamahal at pag-aasikaso sa kanila para naman kahit papaano ay makaganti kayo ng utang na loob sa kanila. Hindi pa huli para ipadama ang pagmamahal sa mga ina. Batiin natin sila ng ‘‘Happy Mother’s Day.