Kampanya vs. PUJ dispatser

Maayo tong gipahinumduman – pag-usab – ni Konsehal Procopio Fernandez ang kapolisan sa pagpahugot sa ilang kampanya batok jeepney dispatchers.

Ang maong pahinumdom gihimo ni Fernandez pinaagi og resolusyon nga iyang gisang-at sa Konseho.

Dili ikalimod nga bisan pa sa ordinansa nga nagdili sa "dispatching" anaa gihapoy daghang dispatser nga magsamok-samok sa mga jeepney drivers.

Kadaghanan niining mga dispatsers mahimo nang tawgon nga "extortionist" kun mangingilkil kay mamugos man sa pagpangayog kuwarta sa kantidad nga ilang gusto.

Dugay nang napasar ang ordinansa batok niining mga dispatser apan wala kini makapapha sa maong mga mangingilkil kinsa nakahatag og dakong problema sa mga PUJ drayber nga nangitag panginabuhian sa tinarong nga paagi.