Babag o kahigayonan?

Niadtong unang panahon, usa ka hari ang mibutang ug usa ka dakong bato sa tunga sa dalan. Pagkahuman, mitago siya og naniid. Niagi ang mga adunahan og mga bantugan sa iyang gingharian. Apan ang kadaghanan kanila, igo lang nagbagulbol og gibasol pa nila ang hari sa pagpasagad niini. Usa ka yanong mag-uuma ang nahiagi sa maong dalan nga naglukdo og usa ka bakat nga mga utanon. Iya kining gibutang og sa hinay-hinay iyang gipadaplin ang maong bato. Sa iyang kahikurat, nakita sa maong mag-uuma ang usa ka putos nga puno sa mga sinsilyong bulawan. Adunay sinulat niini nga nagkanayon: "Pahinungod kaniya nga nipadaplin sa dakong bato. Pamalandong

Ang mga babag sa kinabuhi magdala usab og mga kahigayonan aron molambo ang atong pagpuyo.