EDITORYAL - Bangko paras mga titser

Adunay balaudnon - Senate Bill 572 - nga gi-file si Sen. Manuel Villar diin giproponer ang pag-ugmad og bangko alang sa mga magtutudlo sa mga ekuwelahang pangpubliko.

Ang maong bangko nganlag Philippine Teachers Bank ug ang tumong niini mao ang pagtabang sa mga magtutudlo panahon sa kalisud bahin sa pangwarta.

Matud pa ni Villar nga ang Philippine Teachers Bank mo-operate ubos sa commercial banking license ug duna kiniy awtorisadong capital stock nga Pl bilyon.

Nagtuo gayud si Villar nga ang maong bangko mo-encourage sa mga maestra ug maestro sa paghipos sa ilang extra earnings diin makadawat kinig interest ug ang depositor makadawat usab og dibidendo kay part owners man sila sa maong bangko.

Dugang pa niini, ang mga magtutudlo maluwas sa gitawag nato nga five-six loan sharks nga kasagaran daganan sa mga titser.

Maayo kining nahunahunaan ni Senador Villar ug manghinaut kita nga makapasar kini ug maimplementar alang sa kaayuhan sa mga magtutudlo.