EDITORYAL – Dili panahon sa hudyaka

Atong gisaulog karon ang Semana Santa. Nagkalawom na ang kasaulogan. Huwebes Santo na ugma.

Ang panahon sa Semana Santa dili panahon alang sa paglipay-lipay o paghudyaka. Panahon kini sa pagpamalandong. Ug pagpahibalik sa atong panumdoman sa pasyon ug kamatayon sa atong Ginoong Jesukristo sa krus didto sa bukid sa Kalbaryo libuan na ka tuig nga minglabay.

Suma pa ni Msgr. Cris Garcia, dili angayan nga maglipay-lipay ang usa ka Kristiyano atol sa panahon diin ang gikinahanglan mao ang pagpamalandong.

Atong paminawon si Msgr. Garcia ug hatagan tag bili ug gibug-aton ang iyang mga gipamulong kabahin sa atong pagsaulog sa mga Mahal nga Adlaw.

Kangil-ad baya tuod nga samtang atong gisaulog ug gihandom ang pasyon ug kamatayon sa atong Ginoo anaay uban kanato nga nanaghudyaka, nanagsugal, ug nanagsiping-siping sa mga binuhat nga nalimot usab sa pagpamalandong.