Diha toy usa ka langyaw nga misagpa sa usa ka babaye human kini mireklamo nga siya gihikap-hikap sa maong langyaw. Diha sad toy langyaw nga nangihi ibabaw sa nagparking nga awto. Nakabasa sab tingali mo bahin adtong laing langyaw nga nanukmag og taxi driver dihang gipaninglan sa iyang plite nga niabot og kapin sa duha ka gatos ka pesos.
"Mosugot na ba lang ta niining pagpanamastamas kanato sa mga abusadong langyaw," nangutana ang usa ka Sugbuanon. "Duna na bay nakarsel ug nasilotan nga langyaw tungod sa iyang kabanyagang buhat ngadtos lumad nga lumolupyo ning atong lungsod?"
Kining pangutana nagda'a kinig hagit ngadto sa atong kagamhanan sa paghimog lakang aron maundang na kining pagpangabuso sa mga langyaw ngadto sa atong katawhan.