EDITORYAL - Wala maunsa ang kontra

Gilibkas na sa Presidente ang kontrobersyal niyang Proclamation No. 1017.

Iya kunong gilibkas tungod kay suma sa assessment sa situwasyon sa kapolisan ug militar mimenos na ang hulga sa seguridad sa nasud.

Kaha? Dili ba kaha ang nagkadaghan nga reklamo batok sa maong proklamasyon maoy nakaduso sa Pangulo sa paghimo sa maong desisyon?

Basi sa atong nakita ug nadungog dili angayng ipaubos sa iyang armas ang kagamhanan tungod kay sukad sa pag-deklarar sa 1017 hangtud sa paglibkas niini wala gayud mapahilom ang mga militanteng pundok ilabi na kadtong mga gitawag nila nga walhon.

Nagpadayon sila sa pagsamok-samok sa kadalanan diin sila nagpunay og singgit-singgit sa ilang anti-government slogans. Nagpadayon ang ilang pagwarawara sa ilang mga banderang pula ug mga plakard nga nagdalag anti-government messages.

Kining gipakitang aksyon sa mga militanteng pundok hayag kaayong pruweba nga bisan pa sa lifting sa 1017 nagpabilin gihapon ang pagsukol-sukol sa mga walhon ug uban pang mga kontra sa kagamhanan.