EDITORYAL - Akseptadong interbensyon?

Mientra na ang Amerikano sa isyu bahin sa giproklamar ni Presidente Gloria Arroyo nga State Of National Emergency. Sa walay lipud-lipod, ang Amerika miawhag kang Mrs. Arroyo nga iya kining libkason ang maong proklamasyon.

Inamigo nga awhag apan basi sa sukdanan sa mga cause oriented groups ug ubang pundok kontra Amerika usa kini ka pag-interbenir sa Philippine government desisyon.

Apan nagpakahilom ang cause-oriented groups, mga militanteng pundok, ug ang walhong sektor. Uyon sila sa gihimo sa Kano. Apan gawas sa pagpakahilom wala silay gihimo diin ilang gihangop ang interbensyon sa US.

Sama pananglitan sa pagwarawara og mga poster diin nasuwat ang maong paghangop, sama pananglitan sa: "Paluyohan ang US! Suportahan ang ilang hangyo!"

Suma pa sa usa ka tigpaniid sa dagan sa politika sa nasud: "Let's play things fair and square by giving credit where credit is due."

Dili diay tanang gihimo sa Kano kontra sa kabubot-on sa mga walhon. Galing lang kay "mauwaw" sila mopadayag sa ilang suporta ngadtos "hustong buhat" sa ilang gikontrahan og higpit -- ang Kano.