Ang giya

Gilibot sa usa ka tour guide ang mga turista sa mga makasaysayanong dapit sa Pilipinas. Sa matag lugar mihimo siya og pahayag. Iyang gitudlo ang usa ka tulay og siya miingon: "Dinhi napukan ang mga Hapones." Ug sa usa ka kota miingon na pud siya: "Daghang mga Hapones ang nangamatay dinhi." Sa nagkalanat na og dugay ang ilang pagsuroy-suroy, gitataw gyud sa tour guide ang mga nahiagomang kapildihan sa mga Hapones batok sa mga Amerikano ug mga Pilipino. Tingali kay napikal, usa sa mga turista nangutana kaniya: "Wala bay mga dapit nga nakatilaw sab tawon og daog ang mga Hapones?" Ang tour guide mitubag: "Sir, samtang ako pa ang inyong tour guide kanunay'ng pilde ang mga Hapones!"

Pamalandong

Usahay ang tawo motan-aw na lang gyud sa mga panghitabo ginamit ang iyang kaugalingong lente. Nahimo siyang buta sanglit wala man niya tugoti nga molutaw ang matuod. Naingon usab kita niini diha sa atong pagtuo. Gidapit kita sa Dios nga atong bukhon ang atong mga mata nga dili kita, kondili ang Dios diay maoy makabuot kon kinsa kadtong makasulod sa gingharian sa langit?! Mao nga dili haom ang mopasiatab nga kamo dili makalangit o dili ba kami ray malangit!