Si Andrew smuggler ang kumukumpas sa lahat ng mga kagaguhan lalo’t pagdating sa palusutan sa Subic Customshouse. Anak ni Andrew smuggler ng isang yumamang bugok na customs official na gustong tumakbo ng tongresman este mali Congressman pala sa isang lugar sa Visayas.
Nangangampanya na ngayon ang daddy ni Andrew smuggler kaya naman kailangan nilang palaguin ang kanilang atik para sa nalalapit na eleksyon sa 2007 kung walang no-el.
Mga droga, electronics, cell phones ang operasyon ng Andrew smuggler kung paano ito nakakalusot itanong ninyo sa Fedex dahil mukhang alam nila kung sino ang tinutukoy ng Chief Kuwago. Tiyak oras na nabasa nina Jupiter at Jimmy ang mga ikinukuwento ng mga kuwago ng ORA MISMO, siguradong may paglalagyan ang mag-ama.
Dahil sa expose ng mga kuwago ng ORA MISMO, malamang sirain na naman ng mga bugok na PR ng daddy ni Andrew smuggler ang grupo ni Jupiter oras na umaksyon ito laban sa mga bugok.
Sinabi ng mga asset ng mga kuwago ng ORA MISMO, walang magawa ang mga customs lespiak sa operasyon ni Andrew smuggler dahil sa takot na bulyawan at itapon sa kangkungan ng daddy ng gago ang mga kamoteng makikialam sa katarantaduhan nila.
‘‘Nanginginig ang mga lespu sa Subic Customshouse kapag narinig ang pangalan ni Andrew smuggler,’’ anang kuwagong Kotong cop.
‘‘Bakit?’’ tanong ng kuwagong manghuhula.
‘‘Bukod sa bukol sila maaari pa silang mapunta sa kangkungan,’’ sagot ng kuwagong maninipsip ng tahong.
‘‘Kaya ba ni Andrew smuggler ang grupo ni Jupiter?’’ tanong ng kuwagong manghihilot ng kargamento.
‘‘Naku ha, may paglalagyan ito kapag nakapa nina Jupiter at Jimmy ang kalokohan ng mga tarantado,’’ sagot ng kuwagong SPO-10 sa Crame.
‘‘Ano ngayon ang gagawin natin?’’
‘‘Abangan natin kamote ang mangyayari kay Andrew smuggler.’’