EDITORYAL – Gisunod na gyud

Balita ning Banat News kagahapon ang usa ka tawo nga namusil og upat nga misunod sa estilo sa vigilante sa pagpuo sa iyang target -- nagsakay og motorsiklo ug nag-helmet -- apan ang nakalahi lang nag-inusara kining mi-operate ug walay kuyog nga lookout tungod kay siya mismo ang nag-drive sa motor ug siyay hitman.

Kun tinuod ang pangangkon sa kapolisan nga dili tinuod nga vigilante ang maong mamumuno nga mipatay og usa ka palahubog ug miangol og tulo, duha niini mga tanod sa barangay, angayan nang ika-alarma ang sitwasyon.

Ang punto mao, kun aduna nay misunod sa estilo sa vigilante, mas modaghan pa unya ang patay nga mahitabo.

Kadtong mga adunay kontra sayon kaayong mopahimulos sa higayon paggukod sa ilang kaaway pinaagi sa pagsunod sa estilo sa vigilante.

Ang leksiyon mao, higayon na nga undangon kanang vigilante-style killing.