Ayon kay Dr. Helen M. Velasco, ang sobrang flouride ay nagiging dahilan ng tinatawag na dental flourosis kung saan nananakit ang binti, hita, at ulo. Dahilan din ito para ang ngipin ay maging brown. Sinisira rin ang tooth enamel. Sinabi ni Dr. Velasco na ang sobrang flouride ay nakakapinsala rin sa buto na magre-resulta sa arthritis.
Ipinapayo ni Dr. Velasco na makabubuting ang mga bata ay gumamit lang ng tinatawag nilang pea-size amount of fluoridated tooth-paste dalawang beses sa isang araw at iwasan din ang mga mouth-wash at iba pang produktong may fluoride.
Binigyan-diin ni Dr. Velasco na ang mga magulang ang dapat magbabala sa mga anak na huwag lulunin ang toothpaste na may candy at fruit flavors.