Katiguwangon

Coronet

Usa ka tiguwang misaulog sa iyang ika 100 nga kasumaran sa iyang adlaw'ng natawhan. Usa ka tawong kuryoso nangutana kaniya; "Unsa may imong sekreto nga taas mang mga katuigan ang imong naabot. Ang tiguwang mitubag: "Wala ko manabako, wala ko moinom og ilimnong makahubog, wala ko magpatuyang og kaon. Matulog gyud ko matag alas diyes og momata ko matag alas-says sa buntag. "Dalaygon ang maong buhat." Matud sa kuryoso. "Apan namatay man ang akong lolo sa 60 anyos siya bisan og mao lang prosesoha ang iyang gisunod. Ang tiguwang mitubag: "Wala lang gyud tingali siya molahutay sa paghimo sa ingon mao nga siya namatay."

Pamalandong

Pagkamakanunayon maoy kinahanglanon aron hataas nga kinabuhi atong maangkon. Ang tawo usahay, dili maantigong moalima sa lawas og kinabuhi nga hinuwaman gikan sa kahitas-an. Ang lawas ingon nga Templo sa Espiritu Santo angayang tahuron og alimahon dili lang sa paglikay sa paghimo og mga sala aron ang tawo dili mahugawan kondili ang pag-alima niini sa matag karon og unya.