Illegal recruitment pa gyod

Tungod sa kadaghan sa estilo sa modus operandi sa mga illegal recruiters, ingon sa walay kahumanan ang atong pagtuki ug paghisgot mahitungod niini. Dili man god kita buot nga adunay atong kaigsuonan dinhi sa Sugbo ug sa ubang dapit sa Kabisay-an nga mabiktima niining maong tinonto.

Sumala sa Philippine Anti-Illegal Recruitment Task Force nga gipangulohan sa mat-an kaayong direktor nga si Reynaldo Jaylo, adunay estilo sa modus ang mga illegal recruiters nga gitawag og baklas-passport" diin makakuwarta ug sayon ra kaayong makalusot ang illegal recruiters.

Kon documentation lang ang problema, dali ra kaayo kining mapahigayon sa mga illegal recrutiers. Ila lamang doktoran ang mga passport, ilabi na kon menor-de-edad ang aplikante nga gipasaligan nila nga makatrabaho sa gawas sa nasud.

Simple lang ang ilang buhaton. Usa ka tawo nga anaa na sa hustong edad maoy mokuha og pasaporte. Ang tanang dokumento ug detalye nga nahilatid sa pasaporte iyaha sa nagkuha niini mao nga legal kini.

Sa higayon nga anaa na sa mga kamot sa illegal recruiters ang legal nga passport, tangtangon nila ang hulagway nga gipapilit niini ug ipuli sa pagpapilit ang picture sa aplikanteng menor-de-edad. Ang mga detalye sama sa birthday sa tawong legal nga mikuha sa pasaporte mao na karon ang gamiton sa menor-de-edad.

"Legal na siyang makakapagtrabaho roon sa pupuntahan niya dahil lalabas na nasa hustong gulang 'yung dokumento sa passport. Kahit tourist siya, kung gusto niyang tumagal doon at magtrabaho, pwede na siyang magtago," pasabot ni Jaylo.

Ang gitawag usab og "look-alike" (LA) nga passport dili na tangtangon sa orihinal nga hulagway nga gipapilit. Ipaagi na lang nila sa make-up ang aplikante ug paningkamotan nga mahimong magkamay-ong (pareho) sila sa hulagway nga anaa sa picture sa passport.

Ayaw kahibulong nga mahimo kini nila sa dakong kasayon. Ang mga illegal recrutiers adunay mga ekspertong make-up artist nga makahimo sa pag-usab sa panagway sa aplikante aron mosibo kini sa hulagway nga gipapilit sa passport.

"Didto," ni Jaylo pa. "I-assume nu'ng recruit ang identity nu'ng tao sa passport. Madalas na ginagamit ito sa mga babae, memeyk-apan lang para maging magkahawig sila nu'ng nasa picture. Illegal pa rin."

Daghan ra ba ang aplikanteng mopahimulos niining maong modus tungod kay sa ilang hunahuna, sila ang makabentaha kon makalusot sila.

(Sumbong ug reklamo? Text sa 0910-8105522)