Bird flu: Mora lag wa nato no?

Moingon tingali ta nga kining bahin sa bird flu, sa media ra ni. Ug lagmit, ila ra ni didto sa mga dapit nga nahugpaan niini. Ug waa tay labut dinhi, busa di angayang mabalaka, di angayang mag-panic. Di angayang matarantar pagpangandam.

Lagmit sa media ra ni. Ug lagmit, di ni widespread. Ug lagmit di ni moabot dinhi sa atong nasud. Sama sa miaging adlaw sa mga minatay, hilabihan natong pangandam aron mahadlok nato ang mga terorista ug dili pabuthan ang mga minteryo sa tibuok nasud.

Tuod man, hilabihan nilang hadloka. Malinawon kaayo ang atong pagsaulog sa adlaw sa mga minatay -- taliwaa sa kadaghan sa mga tawo nga nagpunsisok sa mga minteryo. Sa ato pa, kon kita pang mga Pinoy ang gigamit nga security sa Amerika, di unta to mahitabo ang September 11 attack sa New York.

Yuna pa, nangutana diay ang akong mga anak kon unsa konoy gipasabot sa pulong SAM-ANG. Minteryo, lubnganan, akong yano nga tubag. Nakatawa sila ug nahibong kon ngano konong lisud-lusoron man sila pagpasabot. Abilidad sa media, aron ingnon maayong mo-Binisaya. Akong sumpay nga tubag. Di na hinoon sabtan.

In the meantime, morag waa lang nato ang bird flu no? Consider this: Sa 2003: 65 ka tawo ang namatay gumikan niini. Diyutay ra? Unya, tens of millions ka manok ang gipatay. Sa dihang nahimong global outbreak, gikan sa 5 milyones ngadto sa 150 milyones ang na-affected. Sa tuig 1918, wa pa ta ini Dro, mga 40 milyones ka tawo ang na-affected.

Busa, di diay ni komedya kon ma-global epidemic na. Hence, maayong managana. Maayong mangandam. Capable ba ang atong gobiyerno niini? Kaya kono nato, matud nila. Maayo kon mao.

Virus kini nga kon ma-transmitted ngadto sa tawo, unya mo-mutate, problema. Hinoon di kinahanglan mag-panic. Pagkakaron, ang pag-monitor ang gikinahanglan. Kay bisan sa mga dapit nga natakbuyan niini, waa isipa nga epidemic proportion na ang kahimtang.

Busa, relax lang, samtang managana ang atong mga otoridad. Lami ra ba gyud kaayo ang fried chicken, di ba Dro?