Mga dagat sa Palestina

(JOHN MARSABELLA nga gikutlo ni FRANK MIHALIC)

Dunay duha ka mga dagat sa Palestina. Ang usa ginganlan og Dagat sa Galilea. Limpiyo kini, daghan ang mga molupyo duol niini. Makadaghan na sab nilawig ang atong Ginoong Jesus dinhi. Ang usa ginganlan og Dagat nga Patay. Parat kaayo ang tubig og walay isda ni bisan unsa nga mabuhi niini. Dugang pa, walay ganahan nga mopuyo sa iyang kabaybayonan tungod sa iyang baho. Ang nakapahimo niining duha nga interesante mao: silang duha pulos nakadawat og tubig sa mao rang sapa sa Jordan. Unsa may kalainan? Ang Dagat sa Galilea maantigong mopaambit sa tubig gikan sa sapa sa Jordan samtang ang Dagat nga Patay dili maantigong mohatag. Magpundo lang og dili na makagawas ang tubig nga iyang nadawat gikan sa sapa sa Jordan.

Pamalandong

Matud pa ni anhing Monsenyor Salvador: "Daghan ang namatay sa kutsara kay sa Espada." Ingon ani usab ang kahakog. Kon dili ka maantigong mopaambit ngadto sa uban daw sa patay ang imong pakiglambigit. Kon maantigo kang mohatag mas buhi og mas mabulokon ang imong relasyonal nga pagtubo tungod kay nakahatag ka man og kalipay og kinabuhi sa uban. Kon mohatag ka, mas daghan kang mapaabot nga panalangin gikan sa kahitas-an.