Mga numerong bantayanan

Nagpadayon pa gihapon hangtod karon ang text scam. Tungod niini, padayon kitang nakadawat og mga reklamo gikan sa mga magbabasa kalabot niining maong modus operandi. Mao nga nakahukom kong ipatik ang mga cellphone number sa mga nagpadala og text scam aron makabantay ang tanan sa higayon nga sila na usab ang mapadad-an og congratulatory message sa maong mga numero. Bantayi ninyo kining mosunod nga mga numero:

Cellphone number 0918-3946667. Nagpaila ang tag-iya niini nga usa ka abogado nga may inisyal nga RSD. Siyay nagpadala og congratulatory message ngadto sa atong texter nga tag-iya sa cellphone number 0921-4044056 kinsa dali usab nga misumbong dinhi sa atong lindog.

Cellphone number 0928-2168980. Nagpaila nga usa ka BB (inisyal) ang nagpaila nga tag-iya sa maong cellphone nga nagpadala kanako gayod mismo og congratulatory message niadtong Marso 27, 2005. Bantayi kini ninyo.

0918-6489776, nagpaila ang tag-iya nga usa ka RR (inisyal). Nagpadala kini og congratulatory message ngadto sa atong texter nga nagbaton sa cellphone number 0918-3546585. Bantayi sab kini kay basin kamo na usab ang padad-an.

Cellphone number 0926-6987202. Nagpaila usab nga abogado ang tag-iya sa maong numero nga ang ngalan mao si RAV (inisyal). Nagpadala siyag congratulatory message ngadto ni EGT sa Mandaue City nga tag-iya sa cellphone number 0918-6238361.

Cellphone number 0910-2995614. Nagpadala kinig congratulatory message ngadto sa cellphone number 0916-4021651 ug miingon nga ipa-claim ang iyang premyo sa usa sa mga bangko sa Jones Avenue. Wala motuo ang gipadad-an sa maong text scam hinunoa, misumbong hinuon dinhi sa atong lindog.

Aduna pa gyoy nagpaila nga usa ka RTOJR nga nagpadala og congratulatory message ngadto sa atong texter nga tag-iya sa numero 0910-3845929 pero wala motuo ang gipadad-an. Lain pa mao ang usa ka ME (inisyal) nga nagpadala pod og congratulatory message ngadto ni 0921-2275867.

Gibutyag ko dinhi ang ilang mga cellphone number ug inisyal sa ngalan aron aduna na kamoy ideya sa higayon nga makadawat kamog congratulatory message diha sa inyong cellphone ug makabantay kamo aron dili mailad. Ayaw dayon ninyo tuohi ang bisan unsang congratulatory message. Sumbong ug reklamo? Text sa 0910-8105522)