Kini kabahin sa container van nga gi-release sa Customs apan gidakop sa mga sakop sa Criminal Investigation and Detection Group (CIDG).
Pwerteng sukoa ni Cebu Customs Collector Ma. Lourdes Mangaoang ug mipasumbingay nga ang mga polis nangilkil ngadto sa usa ka importer.
Karon nasayran nga kadto diay nga container nga gi-release sa Customs adunay sud nga tulo ka right-hand drive cars kang kansang importasyon gidili sa balaud.
Misumbalik og birada ang kapolisan batok sa Customs tungod niining ilang nasakpan sud sa container van nga matud sa Customs legal apan diay kwestiyonable.
Giunsa man diay sa pag-inspection sa taga Customs nga wala nila masakpi ang tulo ka right-hand drive cars? Wa ba sila makaila sa RHD nga kotse?
Nag-atubang nasad ta og dakong kontrobersiya tali sa kapolisan ug sa taga Customs.