Japanese fact-finding group, coming sa ’Pinas

BINABATI ko ang Prestige Barber shop sa may Ermita, Manila, partikular si Sonny Epal-Kho, ang kanilang magaling na masahista.

Si Nesty, ang owner ng barberya at Marlyn, the daughter.

Mabuhay kayo sa inyong negosyo!

Ang isyu, anumang oras mula ngayon ay darating sa NAIA ang Japanese fact-finding group, ang mission ay ibulgar ang kalokohan sa recruitment ng mga Pinay entertainers o Japayuki.

Isa si Chairman Rey Jaylo, bossing ng Presidential Anti-Illegal Recruitment Task Force, ang makakapulong ng grupo ng mga sakang.

Pag-uusapan ang mga under age, under skills, under paid, flying booking at ang mga direct hiring na hindi dumaan sa tamang proseso sa POEA, etcetera.

Bukod dito, uuriratin din sa pulong ang assume names na ginagamit ng ilang talento.

Sabi nga, hindi nila pangalan ang gamit nila sa kanilang travel documents kundi name ng ibang taong kamag-anak nila o friends.

Ang ganitong gimik ay talamak na nangyayari sa mga entertainers na gustong mag-abroad.

Isang Tony Ferrari, alyas Tonto, ang hari ng mga pekadores na sangkot sa mga katiwaliang sinasabi ng mga kuwago ng ORA MISMO sa itaas.

Tinawag si Tonto, na Tony Ferrari, dahil ito ang kanyang sasakyang gamit sa illegal activities. Multi-million-aire si Tonto, kayang-kaya niyang tapalan ng tsapit ang sinumang ahensiya ng gobyerno na yuyugyog sa kanya. Sabi nga, sky’s the limit.

Marami palang recruiters ang ihuhulog ng Japanese fact-finding team kay Jaylo.

"Dapat malaglag ang mga kamote dahil pahirap ito sa mga bebot," anang kuwagong urot.

"Gusto ng mga talento na umalis ng Pinas kahit sa anumang paraan," natatawang sabi ng kuwagong sepulturero.

"Importante ang maahon sila sa hirap."

"Kapit sa patalim ang mga kababayan nating bebot."

"Ano ang magandang gawin?" tanong ng kuwagong Kotong cop.

"Ibigay ang para sa kanila," sabi ng kuwagong SPO-10 sa Crame.

"Iyan ang tama, kamote."