Kasalan ng parehong babae

MARAMI ang nagtaas ng kilay. May nainis, may halos masuka at may napa-sign ng cross habang pinapanood sa telebisyon ang kasalan ng parehong babae. Ang mga ikinasal ay isang artista at tomboy at ang wedding nila ay ginanap sa America. Nagpatotoo ang tomboy at bride niya na para silang mag-asawa at nagsama nang mahigit isang taon subalit naghiwalay sila. Ang lesbian ay muling napanood sa TV na ikinakasal sa isang non-showbiz bride. Marami ang nagsabi na magdi-divorse rin sila. Makaraang ilabas ang kanilang wedding sa maraming TV shows may mga nagkomento na hindi dapat na iglamorize ang pribadong relasyon ng mga tomboy at bakla. Dapat na isipin nila na nasa nationwide telebisyon sila at napapanood ng mga bata. Dalawa pang seksing artista ang umamin na on sila at nagpaplanong magpakasal.

Ang BANTAY KAPWA ay sumang-ayon sa reklamo ng Philippine Alliance Against Pornography sa pagkondena sa mga TV shows na sumasang-ayon sa mga katomboyan at kabadingan. Maraming moralista at mga samahan ang tumuligsa sa mga palabas sa tv tungkol sa same sex marriages. Tanggap na ang Third sex subalit hindi dapat isapubliko ang mga relasyon nila. Dapat isipin na ang babae ay nilikha ng Diyos para sa lalaki. Abnormal ang umiibig sa kapwa niya babae at ang lalaki sa kapwa lalaki.