Bro. Eddie,bayaan na lang si Eddie Gil

UMAAPELA si Bro. Eddie Villanueva sa COMELEC para ma-diskuwalipika ang kapangalan niyang presidential candidate na si Eddie Gil. "Nuisance" daw at magdudulot ng kalituhan sa mga botante.

Kapatid, you are a serious presidentiable with a large following and I have been lauding you to high heavens dahil iba ka sa nakararaming kandidato na bangayan dito, bangayan doon. Gusto kong manatili ang ganyang image mo sa mata ng sambayanang Pilipino.

Hindi ko sinasabing lesser candidate si Mr. Gil. Pero hindi kayo magka-kategorya. I believe that you’re God-anointed at ang iyong plataporma kapag nahalal kang Pangulo ay ang tamang programa para masagip ang bansa sa kapahamakan. Di ba naniniwala tayong mga Kristiyano sa verse of scriptures na "if God is with us, who can be against us?"

Kung ipagpapatuloy mo ang protesta laban kay Gil, wala ka nang ipinag-iba sa ibang kandidato lalu pa’t ikaw ang direktang nananawagan sa diskuwalipikasyon ng iyong kalaban. Sa kaso ni Fernando Poe, Jr. may ibang sektor na umuupak at kung iya’y pakulo ng administrasyon, dapat muna itong patunayan beyond reasonable doubt.

Bayaan mo na lang si Mr. Gil sa hirit niya sa panguluhan and advice voters who prefer you to write your name in full: Eddie Villanueva para walang kalituhan sa bilangan. Prove to the nation that true Christians are a breed apart from the rest.

Sobra na ang siraan ng mga kandidato at totoong naduduwal na ang marami nating kababayan dahil diyan. You Bro. Eddie are the alternative candidate na kakikitaan ng bagong pulitika na ibang-iba sa pulitikang ating nakamulatan.

Christians can only pray for your protection as you move about in your campaign trail. Bahala ang Panginoong Diyos para tiyaking ligtas ka sa mga posibleng dayaan sa darating na eleksyon. Just a reminder from a brother in Christ Jesus.