Ang tibay ng bituka mo Sr. Supt. Ernesto Catungal

DAPAT sigurong paimbestigahan ni Pasig City Mayor Soledad Eusebio ang reklamo ng mga lokal na pulis laban sa hepe nila na si Sr. Supt. Ernesto Catungal bago maging huli ang lahat. Hindi kasi biro ang akusasyon ng mga pulis laban kay Catungal na kung balewalain ni Mayor Eusebio ay maaring makaapekto sa kandidatura ng kanyang asawang si Enteng sa darating na May 2004 elections. At kapag napatunayan niyang may pagkukulang si Catungal, sana huwag ng magdalawang-isip si Mayor Eusebio na sibakin siya sa puwesto at palitan ng opisyal na ang kapakanan ng taga-Pasig ang iniisip at hindi ang bulsa ang palaging inaatupag. Sa tingin ko naman, dapat ding mag-utos ng parallel na imbestigasyon si Metro Manila police chief Dep. Dir. Gen. Reynaldo Velasco para maarok din niya ang katotohanan at hindi siya maiwan sa ere.

Ang unang inireklamo ng mga pulis Pasig ay ang pag-forfeit ni Catungal ng P1,000 allowance nila kapag hindi sila naka-attend ng flag raising ceremony. Ang salapi ay ini-release ng City government monthly bilang tanda ng pagmamahal ni Eusebio sa mga pulis nga. Hindi na nila alam kung saan napupunta ang pera. Di ba puwedeng kasuhan ng technical malversation si Catungal? He-he-he! ’Pag nagkataon, si Catungal ang kauna-unahang hepe ng NCRPO na kakasuhan ng mga tauhan niya.

Hindi lang ’yan. Nag-isip din ng fund-raising activity si Catungal sa pamamagitan ng Pasig City police yearbook, na ayon sa mga pulis na nakausap ko, ay wala namang problema dahil legal ito. Kaya lang nagtaas ng kilay ang