Ano ang hay fever?

MAAARING ngayon lang ninyo narinig ang hay fever. O kung narinig man, kulang pa rin ang kaalaman kung ano ba ang sakit na ito at ano ang dahilan kung bakit nagkaroon nito.

Ang hay fever ay allergic reaction sa pollen. Ang dahilan ng sintomas ay ang pag-release ng histamine, isang natural chemical substance sa katawan. Kakalat ito sa mga tissues ng katawan at nagiging dahilan para kumitid ang mga ugat na daanan ng dugo o iyong mga tinatawag na artiries at capillaries. Dahilan din para magkaroon ng contraction ang mga malalambot na muscles kabilang na ang bronchi ng lungs.

Kabilang sa mga sintomas ng hay fever ay ang pagbabara ng ilong at pagiging runny, pagbahin, nagluluhang mga mata na madalas ay mapula, makati at luwa. Ang taong may hay fever ay maaaring makaranas din ng problema sa paghinga. Hindi dapat ipagwalambahala ng taong may hay fever ang ganitong problema. Dapat siyang kumunsulta agad sa doktor.

Ginagamot ang hay fever sa pamamagitan ng antihistamine drugs at kung ang allergens (substance na dahilan ng sintomas) ay na-identified, magkakaroon ng desensitization na kinapapalooban ng injecting at exposing ng pasyente para makontrol ang sakit. Dadagdagan gradually ang doses ng allergen hanggang sa antibodies ay mabuo.

* * *

Kung kayo ay may mga katanungan kay Dr. Elicaño, sumulat lamang sa Pilipino Star NGAYON, Roberto Oca cor. Railroad St. Port Area, Manila.